MALLI

LASGUSH PORADECI

Syr-i bukur që t’u mvrejt –
Syri yt që më lëndon –
Do më lerë-a von a shpejt,
Do më lerë-a shpejt a von.

Sapo shpirti m’u dëlir –
Shpirti im i nxirë krejt –
Do më lerë me pahir
Syri-i bukur që t’u mvrejt.

E do mbetem përnjëmënd
Varfanjak si mbret pa fron:
Mbretëresha që më çmënd
Do më lerë-a shpejt a von

Do më lerë-a von a shpejt,
Do më lerë-a shpejt a von,
Syri-i bukur që t’u mvrejt –
Syri yt që më lëndon.

Do më lerë… A! po sí –
Qoftë-ahere-ose tashi –
Do të qaj aq dashuri
Që do humb me mall të ti?

Mua mëndja s’m’a kupton
Mua syri s’m’a vështron,
Pa fillon edhe vajton,
E kullon, kullon, kullon:

Mall! o mall! që vjen e shkon!…
…………………………….
Vjen e shkon e prapë vjen,
Mall që len nga perëndon:
Len e vjen e zjen e bren:
Malli mallin më s’e gjen…

Leave a Reply

Your email address will not be published. Required fields are marked *

Copy Protected by Chetan's WP-Copyprotect.
Read previous post:
KU SHTROHET VALA

LASGUSH PORADECI (Romancë) Ku shtrohet vala përmi zall E fryn një këng’ e pakuptuar, Të pashë, motër, plot me mall,...

Close