SONET PRANVEROR

MILLOSH GJERGJ NIKOLLA – MIGJENI

Me kangë në buzë e me hove të reja
u zgjue agimi pranveruer,
largsinat e hjedhta ka zatetë hareja,
n’argjent shkëlqejnë brigjet tërthuer.

Me kangë në buzë u zgjue agimi
dhe ja këndoi kangën diellit t’artë
rrezesh purpure dhe jetëdhurimi
me kaltrinat e thellta në qiell të kjartë.

Me manushaqe në buzë e me andje në zemra
vajzat si biluri ndër kopshtie të gjelbra
dihasin aromat, që lulëzimi derdhi,

me gji të paprekuna, ku dashnia sosë,
me fletza trandafilesh që flladi sjelli
dhe adhurojnë pranverën me nji apoteozë.

Leave a Reply

Your email address will not be published. Required fields are marked *

Copy Protected by Chetan's WP-Copyprotect.
More in gjergj, migjeni, millosh, nikolla, pranveror
Nase Jani
13 TETORI-DITA E POETËVE

13 TETORI-DITA E POETËVE NASE JANI Kushtuar Poetëve Millosh Gjergj Nikolla dhe Dritëro Agolli Siç mund të quhet tetori Muaj...

Close