Takimet

 

 

Meri Lalaj

Takimet

Takimet tona rruaza kristal

të qelqta të tejdukshme

përthyhen nga ndarja mall

e vezullojnë në rreze shprese.

Nuk i lidhim dot në varg,

nuk i shkojmë dot në një fije

ato thërrmohen në pëllëmbën tënde

dërrmohen në pëllëmbën time.

Edhe kur mbetem fill vetëm

dremis mbështjellë në krahët e tu

ndiej frymëmarrjen tënde të lehtë

t`i përgjoj të rrahurat e zemrës…

E lutem, lutem dhe njëherë

që sërish të më trokasësh në derë.